دوحا۔اردن متحدہ عرب امارات انڈونیشیا پاکستان ترکیہ سعودی عرب قطر اور مصر کے وزرائے خارجہ نے امریکی صدر ڈونلڈ ٹرمپ کی جانب سے پیش کردہ تجاویز پر حماس کے مثبت ردعمل کو خوش آئند قرار دیا ہے۔
امریکی تجاویز میں غزہ میں جنگ کے خاتمے تمام یرغمالیوں کی رہائی اور نفاذ کے طریقہ کار سمیت متعدد نکات شامل ہیں۔
جاری کی گئی مشترکہ اعلامیہ میں وزرائے خارجہ نے صدر ٹرمپ کے مطالبے یعنی بمباری فوری روکنے اور تبادلے کے معاہدے پر عمل درآمد شروع کرنے کی خواہش کا خیرمقدم کیا اور خطے میں امن کے قیام کے لیے ان کی کوششوں کو سراہا۔
وزرائے خارجہ نے اس پیش رفت کو جامع اور پائیدار جنگ بندی کے قیام اور غزہ کے عوام کی سنگین انسانی صورتحال کے حل کے لیے حقیقی موقع قرار دیا۔ انہوں نے زور دیا کہ تجاویز کے تمام پہلوؤں پر فوری اور جامع مذاکرات شروع کیے جائیں تاکہ نفاذ کے طریقہ کار پر اتفاق رائے حاصل کیا جا سکے۔
اعلامیہ میں کہا گیا کہ وزرائے خارجہ تجاویز پر عمل درآمد غزہ میں فوری جنگ بندی اور ایک جامع معاہدے کے حصول کے لیے مشترکہ کوششیں جاری رکھیں گے۔ ان کوششوں کے ذریعے انسانی امداد کی روکاوٹوں کے بغیر ترسیل فلسطینی عوام کی جبری بے دخلی کی ممانعت شہریوں کے تحفظ کو یقینی بنانا تمام یرغمالیوں کی رہائی فلسطینی اتھارٹی کی غزہ واپسی غزہ اور مغربی کنارے کا اتحاد متفقہ سیکیورٹی نظام اسرائیلی افواج کا مکمل انخلا غزہ کی تعمیر نو اور دو ریاستی حل کی بنیاد پر منصفانہ پائیدار امن ممکن بنانے کی امید ظاہر کی گئی ہے۔
