اسلام آباد۔لاہور کے بعد اسلام آباد میں بھی گدھے کا گوشت برآمد کرلیا گیا،وفاقی دارالحکومت اسلام آباد فوڈ اتھارٹی نے ترنول میں چھاپہ مار کر 25 من گدھے کا گوشت برآمد کرلیا جبکہ 50 سے زائد گدھے بھی برآمد کرلیے گئے۔
اسلام آباد فوڈ اتھارٹی کی ٹیم کی جانب سے ترنول کے علاقے میں بڑی کارروائی کی گئی، اس دوران 25 من سے زائد گدھے کا گوشت قبضے میں لے لیا جبکہ موقع سے 50 سے زائد زندہ گدھے بھی برآمد ہوئے، ابتدائی تحقیقات کے مطابق گوشت بیرون ملک سپلائی کیا جاتا تھا۔
ترجمان نے بتایاکہ ڈائریکٹرفوڈ اتھارٹی کی جانب سے ملوث افراد کے خلاف فی الفور اندراج مقدمہ کا حکم دیا گیا جبکہ فوڈ اتھارٹی ٹیم کی جانب سے گوشت کو تلف کر دیا گیا ہے
