اسلام آباد ۔پولیس نے سانحہ 9 مئی کے واقعات میں ملوث ہونے پر پاکستان تحریک انصاف کے رہنما اور سابق وزیراعظم آزاد کشمیر سردار عبدالقیوم نیازی کو بھمبر کے علاقے سماہنی سے حراست میں لے لیا گیا
آزاد کشمیر کے سابق وزیراعظم سردار عبدالقیوم نیازی کو آزاد کشمیر پولیس نے گرفتار کرلیا، گرفتاری سے قبل سردار عبدالقیوم نیازی سماہنی سے بھمبر جلسے میں شرکت کے لیے جارہے تھے کہ جھنڈی جونترہ کے مقام پر پولیس نے انہیں گرفتار کرلیا۔
ذرائع کے مطابق سابق وزیراعظم آزاد کشمیر کو سمائنی سے حراست میں لینے کے بعد میرپور منتقل کردیا گیا۔
پولیس کے مطابق سردار عبدالقیوم نیازی پر سانحہ 9 مئی کے واقعات پر 11 سے زائد مقدمات درج تھے، 2 دن قبل 9 مئی کے مقدمات میں ان کے وارنٹ گرفتاری جاری ہوئے تھے۔
واضح رہے کہ سردار عبدالقیوم نیازی نے آزاد کشمیر کے 13ویں وزیراعظم کے طور پر 4 اگست 2021 سے 14 اپریل 2022 تک اپنی ذمہ داریاں نبھائیں۔
