پاکستان کی مشہور فلمی اداکارہ نرما طویل عرصے بعد سوشل میڈیا پر دوبارہ نظر آئی ہیں، جس پر ان کے مداحوں نے خوشی کا اظہار کیا۔
حالیہ دنوں میں نرما کو ایک جم میں دیکھا گیا، جہاں وہ اپنے ٹرینر کے ساتھ ورزش میں مصروف تھیں۔
انہوں نے گلابی رنگ کی ٹی شرٹ اور جم پینٹ پہن رکھی تھی، جبکہ ان کی فٹنس اور وزن میں نمایاں کمی صاف محسوس کی جا سکتی تھی۔
ویڈیوز میں نرما کا چہرہ بغیر میک اپ کے دکھائی دیا، جو مداحوں کے لیے حیرت کا باعث بنا، اور ان کے قدرتی حسن کو خوب سراہا جا رہا ہے۔
قابلِ ذکر ہے کہ نرما کی آخری فلم “شیرِ لاہور” 2014 میں ریلیز ہوئی تھی، جس کے بعد وہ میڈیا اور شوبز انڈسٹری سے کنارہ کش ہو گئی تھیں۔
اس عرصے میں ان کے بارے میں کئی افواہیں گردش کرتی رہیں کہ وہ ذاتی مسائل سے دوچار ہیں، تاہم تازہ ویڈیوز نے یہ واضح کر دیا کہ نرما نہ صرف اپنی زندگی میں خوشحال ہیں بلکہ اپنی صحت کا بھی خاص خیال رکھتی ہیں۔
