اسلام آباد ۔۔اسلام آباد ایکسپریس وے پر لینڈ سلائیڈنگ کے باعث پہاڑ سے بڑے پتھر گرنے سے سڑک کا نصف حصہ متاثر ہوا ہے۔
ڈپٹی کمشنر مری کے مطابق، ایکسپریس وے کا تقریباً آدھا حصہ بھاری پتھر گرنے کی وجہ سے بند ہو گیا ہے اور امکان ہے کہ مزید حصے بھی لینڈ سلائیڈنگ کی زد میں آ سکتے ہیں۔ اس صورتحال کے پیش نظر سڑک کے متاثرہ حصے کو ہر قسم کی ٹریفک کے لیے بند کر دیا گیا ہے۔
ڈی سی مری نے مزید کہا کہ ایکسپریس وے کو جلد ہی کلیئر کر کے ٹریفک کے لیے دوبارہ کھول دیا جائے گا۔
