ڈالر کی بے قدری جاری، روپیہ مزید مضبوط ہو گیا

کاروباری ہفتے کے پہلے روز انٹربینک اور اوپن مارکیٹ میں روپے کے مقابلے میں ڈالر سستا ہوگیا۔ سٹیٹ بینک آف پاکستان کے مطابق انٹربینک میں امریکی ڈالر کی قدر میں2 پیسے کمی ہوئی۔انٹربینک میں ڈالر 281.77 روپے سے کم ہوکر 281.75 روپے پر بند ہوا۔ دوسری جانب اوپن مارکیٹ میں امریکی ڈالر 3 پیسے سستا ہوکر 283.57 روپے پر آگیا۔یورو1.19 روپے اضافے سے 332.55 روپے ، برطانوی پاؤنڈ 42 پیسے مہنگا ہوکر 383.42 روپے پر آگیا۔یو اے ای درہم 77.20 روپے اور سعودی ریال 75.50 روپے پرہی برقرار رہا۔