انٹر بینک میں ڈالر سستا،اوپن میں مہنگا ہوگیا

اسلام آباد ۔کاروباری ہفتے کے پہلے روز انٹربینک میں ڈالر سستا جبکہ اوپن مارکیٹ میں مہنگاہو گیا۔

سٹیٹ بینک کے مطابق انٹر بینک میں امریکی ڈالر 3 پیسے سستا ہوگیا ۔انٹر بینک میں ڈالر 281.65 روپے سے کم ہوکر281.62 روپے پر بند ہوا۔

دوسری جانب اوپن مارکیٹ میں امریکی ڈالر 10 پیسے اضافے سے 283.20 روپے پر آگیا۔

اوپن مارکیٹ میں یورو 87 پیسے کمی سے 330 روپے، برطانوی پاؤنڈ 39 پیسے کمی سے 380.93 روپے پر آگیا۔ یو اے ای درہم 77.10 روپے اورسعودی ریال 75.40 روپے پر برقرار ہے۔