اسلام آباد۔ایپل نے اپنا نیا فلیگ شپ اسمارٹ فون آئی فون 17 عالمی سطح پر متعارف کرا دیا ہے، مگر دلچسپ بات یہ ہے کہ اس کی قیمت ہر ملک میں مختلف رکھی گئی ہے۔ کچھ جگہوں پر یہ فون نسبتاً کم قیمت پر دستیاب ہے جبکہ بعض ممالک میں اس کی قیمت خریداروں کے لیے خاصی بھاری پڑ سکتی ہے۔ اگر آپ نیا فون خریدنے کا ارادہ رکھتے ہیں تو یہ جاننا فائدہ مند ہوگا کہ دنیا میں کہاں سے خریدنا سب سے سستا ہے اور کہاں سب سے مہنگا۔
وہ 7 ممالک جہاں آئی فون 17 (256 جی بی ماڈل) سب سے سستا ہے:
کینیڈامیں قیمت 1,129 کینیڈین ڈالر (تقریباً 816 امریکی ڈالر)۔ امریکا کے قریب ترین قیمت اور ساتھ ہی فزیکل سم کا آپشن بھی دستیاب ہے۔
متحدہ عرب امارات (یو اے ای)**: قیمت 3,099 درہم (843 امریکی ڈالر کے برابر)۔ کم ٹیکس کی وجہ سے دبئی اور ابوظہبی بھارتی خریداروں کی ہمیشہ اولین ترجیح رہے ہیں۔
چین میں قیمت 5,999 یوآن (842 امریکی ڈالر)۔ امریکا اور کینیڈا کے مقابلے میں زیادہ، مگر بھارت سے کم قیمت۔
جاپان میں قیمت 129,800 ین (879 امریکی ڈالر)۔ یو اے ای سے کچھ زیادہ لیکن بھارت کے مقابلے میں اب بھی سستا۔
آسٹریلیا میں قیمت 1,399 آسٹریلین ڈالر (932 امریکی ڈالر کے قریب)۔ یہاں ٹورسٹ ریفنڈ اسکیم خریداروں کو مزید فائدہ دے سکتی ہے۔
برطانیہ میں قیمت 949 برطانوی پاؤنڈ، جو کہ تقریباً 1,291 امریکی ڈالر کے برابر ہے۔ یہ دنیا میں وہ جگہ ہے جہاں آئی فون 17 سب سے مہنگا فروخت ہورہا ہے۔
