اسلام آباد: اداکارہ اور میزبان دعا ملک نے پہلی مرتبہ انکشاف کیا ہے کہ اپنے کیریئر کے دوران انہیں کاسٹنگ کاؤچ جیسے تلخ تجربے سے گزرنا پڑا اور اس واقعے میں ملوث شخصیت پاکستان کی ایک نہایت معروف ہستی ہیں
یہ انکشاف انہوں نے حال ہی میں ایک پوڈکاسٹ گفتگو کے دوران کیا جہاں انہوں نے شوبز انڈسٹری کے مختلف پہلوؤں اور اپنی ذاتی زندگی پر روشنی ڈالی دعا ملک کا کہنا تھا کہ وہ نہیں چاہتیں کہ ان کے بچے بھی اس انڈسٹری کا حصہ بنیں اسی لیے انہوں نے انہیں امریکا منتقل کر دیا تاکہ وہ اس ماحول سے دور رہیں
کاسٹنگ کاؤچ کے موضوع پر بات کرتے ہوئے ابتدا میں دعا ملک نے کہا کہ انہیں ذاتی طور پر کبھی ایسا تجربہ نہیں ہوا ان کے مطابق ہر فنکار کی اپنی شخصیت ہوتی ہے اگر کوئی مضبوطی کے ساتھ “نہ” کہہ سکے تو اس طرح کی صورتحال سے بچا جا سکتا ہے انہوں نے بتایا کہ انڈسٹری میں کئی لڑکیاں کمزوری کے باعث دباؤ میں آ جاتی ہیں لیکن وہ اور ان کی بہن حمائمہ ملک ہمیشہ ڈٹ کر جواب دیتی تھیں
انہوں نے مزید کہا کہ وہ بچپن سے کچھ ڈرپوک سی تھیں جبکہ ان کی بہن حمائمہ بہت بہادر ہیں اسی لیے دونوں کو زیادہ تر ایسے حالات کا سامنا نہیں کرنا پڑا تاہم بعد میں دعا ملک نے انکشاف کیا کہ صرف ایک بار انہیں کاسٹنگ کاؤچ جیسے مسئلے سے دوچار ہونا پڑا اور اس کے نتیجے میں ان کے کیریئر کو سخت نقصان پہنچا
انہوں نے واقعے کی مزید تفصیلات بتانے سے انکار کرتے ہوئے کہا کہ اس میں ملوث شخصیت پاکستان کی ایک بڑی ہستی ہیں اس لیے وہ اس معاملے کو کبھی عوامی سطح پر ظاہر نہیں کریں گی دعا ملک نے یہ بھی واضح کیا کہ اگرچہ وہ اب امریکا میں مقیم ہیں مگر ان کا خاندان پاکستان میں ہے اور وہ نہیں چاہتیں کہ ان کے بیان کے باعث ان کے اہل خانہ کو کسی قسم کا نقصان پہنچے
