عالمی اور مقامی دونوں مارکیٹوں میں سونے کی قیمتوں میں کمی ریکارڈ کی گئی ہے۔ عالمی مارکیٹ میں فی اونس سونا 10 ڈالر سستا ہوکر 3 ہزار 740 ڈالر پر آگیا۔
مقامی صرافہ مارکیٹ میں بھی سونے کی قیمت نیچے آگئی، ایک تولہ سونا ایک ہزار روپے کمی کے بعد 3 لاکھ 95 ہزار 800 روپے میں فروخت ہورہا ہے جبکہ دس گرام سونا 858 روپے کم ہوکر 3 لاکھ 39 ہزار 334 روپے کا ہوگیا۔
ادھر چاندی کی قیمت میں اضافہ دیکھا گیا ہے، ایک تولہ چاندی 64 روپے مہنگی ہوکر 4 ہزار 599 روپے تک پہنچ گئی۔
