ممبئی: بالی ووڈ اسٹار عامر خان کی گرل فرینڈ گوری سپراٹ نے میڈیا اور پاپرازی کے حد سے زیادہ پیچھا کرنے پر سخت ناراضگی کا اظہار کیا ہے۔ سوشل میڈیا پر وائرل ایک ویڈیو میں انہیں یہ کہتے سنا جا سکتا ہے: ’’ارے مجھے اکیلا چھوڑ دو نا، میں بس واک پر جا رہی ہوں‘‘۔
یہ واقعہ اس وقت پیش آیا جب گوری سپراٹ شہر میں چہل قدمی کے لیے نکلی تھیں اور فوٹوگرافرز مسلسل ان کا تعاقب کرنے لگے۔ عامر خان کے ساتھ تعلق منظر عام پر آنے کے بعد گوری میڈیا کی توجہ کا مرکز بنی ہوئی ہیں، حالانکہ اداکار نے ابتدا ہی میں واضح کیا تھا کہ گوری کو نہ شہرت کی خواہش ہے اور نہ ہی میڈیا کی چکاچوند پسند ہے۔
اس سے قبل بھی دونوں کو ایئرپورٹ پر ایک ساتھ دیکھا گیا تھا جہاں پاپرازی نے ان کے رومانوی لمحوں کو کیمرے میں محفوظ کیا تھا۔ یہ تصاویر سوشل میڈیا پر وائرل ہو کر خبروں کی زینت بنی تھیں۔ عامر خان نے 60 برس کی عمر میں اپنے اس نئے تعلق کا اعلان کر کے مداحوں کو حیران کر دیا تھا۔
حالیہ دنوں ایک پوڈکاسٹ میں عامر خان نے اعتراف کیا کہ گوری سپراٹ کی آمد نے ان کی زندگی بدل دی۔ انہوں نے کہا: ’’گوری مجھے اس وقت ملی جب میں سمجھ بیٹھا تھا کہ میری عمر گزر چکی ہے۔ میں نے تھراپی کے دوران جانا کہ پہلے خود سے محبت کرنا ضروری ہے، تبھی آپ دوسروں کو سچ میں محبت دے سکتے ہیں‘‘۔
