لاہور: پاکستان کرکٹ بورڈ (پی سی بی) نے جنوبی افریقہ کے خلاف دو ٹیسٹ میچز کی سیریز کے لیے 18 رکنی قومی اسکواڈ جاری کر دیا۔
تفصیلات کے مطابق شان مسعود بدستور قومی ٹیسٹ ٹیم کی قیادت کریں گے، جبکہ آصف آفریدی، فیصل اکرم اور وکٹ کیپر بیٹر روحیل نذیر کو پہلی بار ٹیسٹ اسکواڈ میں شامل کیا گیا ہے۔
سیریز کا پہلا ٹیسٹ 12 سے 16 اکتوبر تک لاہور کے قذافی اسٹیڈیم میں کھیلا جائے گا، جب کہ دوسرا ٹیسٹ 20 سے 24 اکتوبر تک راولپنڈی میں شیڈول ہے۔ تیاری کے لیے قومی کیمپ 30 ستمبر سے 8 اکتوبر تک لاہور میں جاری رہے گا۔
پی سی بی کے مطابق پہلے ٹیسٹ سے قبل اسکواڈ کو مختصر کیا جائے گا، جبکہ ایشیا کپ کھیلنے والے کرکٹرز 4 اکتوبر کو اسکواڈ کو جوائن کریں گے۔
شان مسعود (کپتان)، بابر اعظم، محمد رضوان، شاہین شاہ آفریدی، عبداللہ شفیق، امام الحق، سلمان علی آغا، سعود شکیل، عامر جمال، کامران غلام، حسن علی، خرّم شہزاد، نعمان علی، ساجد خان، ابرار احمد، آصف آفریدی، فیصل اکرم، روحیل نذیر۔
