دیر بالا: دیر بالا میں مٹی کا تودہ گرنے سے ایک ہی خاندان کے 12 افراد جاں بحق ہوگئے۔
پولیس کے مطابق دیر بالا میں پاتراک کے علاقے میں مٹی کا تودہ گھر پر آ گرا، جاں بحق ہونے والوں میں 2 خواتین، ایک مرد اور 9 بچے شامل ہیں، جاں بحق ہونے والے تمام افراد کا تعلق ایک ہی فیملی سے ہے۔
واقعہ کی اطلاع ملتے ہی پولیس اور امدادی ٹیمیں موقع پر پہنچ گئیں، نعشوں کو ملبے سے نکال کر ہسپتال منتقل کر دیا گیا۔
انتظامیہ کا کہنا ہے کہ رات بارش اور اندھیرے کے باعث ریسکیو آپریشن میں مشکلات کا سامنا رہا۔
