بالی ووڈ کی چکا چوند کو خیرباد کہہ کر اسلام کی راہ اپنانے والی سابقہ اداکارہ ثنا خان نے اپنی ذاتی زندگی سے متعلق ایک حیران کن انکشاف کیا ہے۔
مفتی انس سے محبت کے قصہ میں مولانا طارق جمیل کا پیغام بازی پلٹ گیا، ثنا خان نے روبینہ دلیک کے پوڈکاسٹ میں بتایا کہ ان کے شوہر مفتی انس کا رشتہ انہیں مولانا طارق جمیل کے ایک وائس نوٹ کے ذریعے پہنچا تھا۔
انہوں نے کہا کہ مولانا طارق جمیل نے وائس نوٹ میں کہا کہ وہ شادی کے بارے میں سوچیں اور مفتی انس کے رشتے پر غور کریں۔ پہلے تو وہ حیران رہ گئیں لیکن بعد میں انہوں نے مفتی انس سے اس بارے میں بات کی۔
انہوں نے یہ بھی بتایا کہ مفتی انس ان سے 7 سال چھوٹے ہیں، جس پر مفتی انس نے کہا کہ یہ سنت رسول ہے کیونکہ نبی پاک نے بھی حضرت خدیجہ سے شادی کی تھی جو ان سے 15 سال بڑی تھیں۔
ثنا نے 2020 میں بالی وڈ کو چھوڑا اور 2021 میں مفتی انس سے شادی کی۔ اب وہ خوشگوار ازدواجی زندگی گزار رہی ہیں اور ان کے ہاں ایک بیٹے کی پیدائش بھی ہو چکی ہے، جس کا نام طارق جمیل رکھا گیا ہے۔
