نسیم شاہ کے حوالے سے ماضی میں بھی بالی ووڈ اداکارہ اور ماڈل اروشی روٹیلا خبروں میں رہ چکی ہیں، اب ایک بار پھر اپنی پسندیدگی کا اظہار کر دیا۔
ابوظبی میں بالی ووڈ اداکارہ اور ماڈل اروشی روٹیلا نے پاکستانی بولر نسیم کو اپنا پسندیدہ کرکٹر قرار دیا۔
ابوظبی میں ایوارڈ فنکشن کے دوران جب بالی ووڈ اداکارہ اروشی روٹیلا سے ان کے پسندیدہ کرکٹر کے بارے میں پوچھا گیا تو اروشی روٹیلا نے جواب دیا کہ نسیم شاہ میرے پسندیدہ کرکٹر ہیں۔ اداکارہ نے پاکستانی کرکٹ ٹیم کی بھی تعریف کی۔
اروشی روٹیلا اس سے قبل بھی نسیم کے حوالے سے خبروں میں رہ چکی ہیں۔ سال 2023 میں ایشیا کپ میں پاکستان اور بھارت کے میچ سے قبل اروشی روٹیلا نے نسیم شاہ کی پاکستانی ٹیم کے ساتھ تصویر شیئر کی تھی۔
اداکارہ کی جانب سے نسیم شاہ کو سالگرہ اور اعزازی ڈی ایس پی بننے پر دی گئی مبارک باد سوشل میڈیا پر وائرل ہو گئی تھی، اس حوالے سے خاص طور پر سوشل میڈیا صارفین بھی ان کی پوسٹوں اور گفتگو میں خاصی دلچسسپی کا اظہار کرتے ہوئے دکھائی دیتے ہیں.
اروشی روٹیلا کا شمار بالی ووڈ کی متنازع اداکاراو¿ں میں ہوتا ہے۔ کبھی ان کی نازیبا ویڈیو لیک ہو جاتی ہیں اور کبھی وہ سیٹ پر شوٹنگ کے دوران زخمی ہو جاتی ہیں۔ اس سے صاف ظاہر ہوتا ہے کہ بھارتی حسینہ اروشی روٹیلا کو خبروں میں ان رہنے کا گر خوب آتا ہے.
