پاکستان سمیت پڑوسی ملک بھارت میں بھی اپنی اداکاری کے جوہر دکھانے والی معروف اداکارہ ماورا حسین کی سوشل میڈیا مقبولیت میں ریکارڈ اضافہ ہو گیا۔
ماورا حسین نے اداکاری کی دنیا کے بعد، اب سوشل میڈیا کی دنیا میں بھی مقبولیت کے جھنڈے گاڑتے ہوئے اپنے انسٹاگرام ہینڈل پر 9 ملین فالوورز حاصل کر لیے۔
اداکارہ نے اپنے 9 ملین فالوورز کی تعداد کا جشن بڑے ہی شاندار انداز میں منایا ہے، اس جشن کے لیے ماورا حسین نے سفید پروں والا خوبصورت لباس زیب تن کیا جس میں وہ بیحد حسین نظر آئیں۔
ماورا حسین نے اپنے جشن کی چند دلکش تصاویر بھی اپنے آفیشل انسٹاگرام ہینڈل پر پوسٹ کیں جن میں اداکارہ بہت خوش نظر آ رہیں تھیں۔
انہوں نے 9ملین فالوورز ہونے پر اپنے مداحوں کا شکریہ ادا کرتے ہوئے کہا کہ آج ہم 9 ملین ہیں، ایک دن ہم 90 اور 900 ملین بھی ضرور ہوں گے۔
اداکارہ نے کہا کہ مجھے پیار کرنے اور میری اڑان بھرنے کے سفر میں مجھے سپورٹ کرنے کے لیے آپ سب کا بہت شکریہ۔
ماورا حسین نے مزید کہ کہ آپ کی محبت نے مجھے ہر مشکل کے سامنے مضبوطی سے کھڑا ہونا سکھایا، اگر آپ کا ساتھ نہیں ہوتا تو آج میں اس مقام پر نا ہوتی۔
آخر میں انہوں نے مداحوں سے اپنی محبت کا اظہار کرتے ہوئے کہا کہ میں بھی آپ سب سے محبت کرتی ہوں۔
