ملتان: انگلینڈ سے سیریز جیتنے کیلئے شان مسعود پرعزم : پلیئنگ الیون فائنل
قومی ٹیسٹ ٹیم کے کپتان شان مسعود نے کہا ہے کہ انگلش ٹیم میں ناتجربہ کار کھلاڑی بھی ہیں مگر انہیں کمزور حریف نہیں سمجھیں گے،16رکنی سکواڈ میں سب بہترین کھلاڑی ہیں۔
ہم نے پلیئنگ الیون فائنل کرلی ہے، انگلینڈ سے سیریز جیتنے کی ہرممکن کوشش کریں گے۔
ملتان میں پریس کانفرنس کرتے ہوئے قومی ٹیسٹ ٹیم کے کپتان شان مسعود کا کہنا تھا کہ صائم ایوب، عبداللہ شفیق،سعود شکیل، بابر اعظم، شاہین آفریدی پلیئنگ الیون میں شامل ہیں ، ابرار احمد، محمد رضوان، عامر جمال اور سلمان علی بھی ٹیم کا حصہ ہیں۔
شان مسعود پرعزم:
بین سٹوکس کے ٹیم میں شامل نہ ہونے سے انگلینڈ کی ٹیم کمزور نہیں ہو گی، انگلینڈ ٹیم کے پاس 16 رکنی سکواڈ ہے سب بہترین ہیں، انگلینڈ سے پچھلی سیریز جیت کے قریب جا کر ہارے اس بار جیتنے کی کوشش کریں گے۔
شان مسعود کا کہنا تھا کہ انگلینڈ کی کرکٹ سے ہم واقف ہیں اس کے مطابق پلان بنا رہے ہیں۔ عامر جمال کے آنے سے ہماری پوزیشن مستحکم ہوئی ہے، ٹیسٹ میچ کی سٹریٹجی ایک دن کے مطابق نہیں بنا سکتے پانچ دن کو دیکھ کر بنانا پڑتی ہے۔
قومی کپتان نے کہا کہ بنگلادیش کیخلاف سیرسیز میں سات نمبر کے بعد ہمارے رنز نہیں بن پائے۔ عامر جمال کے نہ ہونے سے نقصان ہوا، بنگلادیش کیخلاف سیریز میں بیٹنگ سائیڈ میں کمزوری کی وجہ سے ہم میچ ہارنے کی پوزیشن میں آئے تھے۔
ان کا مزید کہنا تھا کہ چیمپئنز کپ میں شاہین نے زیادہ سے زیادہ اوورز کروائے، امید ہے وہ فارم میں واپس آ گئے ہوں گے۔
