ملتان ٹیسٹ کی پہلی اننگز میں انگلینڈ کے خلاف پاکستان نے ایک کھلاڑی کے نقصان پر 233رنز بنا لیے۔ پاکستان نے ٹاس جیت کر بیٹنگ شروع کی.
ملتان ٹیسٹ میں پاکستان نے ٹاس جیت کر بیٹنگ کا فیصلہ کیا تھا۔ اوپنر صائم ایوب 4 رنز بنا کر پویلین واپس لوٹ گئے، کپتان شان مسعود نے ٹیسٹ میں اپنی 11ویں سنچری بنائی جبکہ اوپنر عبداللہ شفیق نصف سنچریاں بنا کر وکٹ پر موجود۔
کپتان شان مسعود نے اپنی 11ویں سنچری کے لیے 10 چوکے اور 2 چھکے بھی لگائے، شان مسعود نے 28 اننگز پہلے انگلینڈ کے خلاف 2020 میں بھی سنچری بنائی تھی۔
قومی ٹیم کے کپتان شان مسعود کا کہنا تھا کہ ہم بڑے اسکور کی کوشش کریں گے اور اندازہ ہے کہ بڑی دیر سے جیت نہیں سکے، ہم تین فاسٹ اور دو اسپنرز کے ساتھ میدان میں اترے ہیں۔
انگلش کپتان اولی پوپ نے کہا کہ پچ میں نمی موجود ہے لہذا جلد وکٹیں لینے کی کوشش کی جائے گی۔ ٹاس جیت جاتے تو ہم بھی پہلے بیٹنگ کا فیصلہ ہی کرتے۔
واضح رہے کہ ملتان میں اب تک دونوں ٹیمیں ایک دوسرے کے خلاف ایک ایک ٹیسٹ جیتی ہیں۔ انگلینڈ سے قبل بنگلا دیش نے پاکستان کو اسکی ہی سرزمین پر دو ٹیسٹ میچز کی سیریز میں وائٹ واش کیا۔
پاکستان پلیئنگ الیون
صائم ایوب، عبداللہ شفیق، کپتان شان مسعود، بابر اعظم، نائب کپتان سعود شکیل، وکٹ کیپر محمد رضوان، عامر جمال، شاہین شاہ آفریدی، نسیم شاہ، ابرار احمد، سلمان علی آغا۔
انگلینڈ پلیئنگ الیون
زیک کرالے، بین ڈکٹ، کپتان اولی پوپ، جو روٹ، ہیری بروک، وکٹ کیپر جیمی اسمتھ، گس ایٹکنسن، بریڈن کرس (ڈیبیو)، جیک لیچ، شعیب بشیر، کرس ووکس۔
