بھارت کے شہر ممبئی میں واقع بالی وڈ کی معروف اداکارہ شلپا شیٹھی کے دادار ریسٹورنٹ سے 80 لاکھ بھارتی روپے مالیت کی لگژری گاڑی چوری کر لی گئی۔
بھارتی میڈیا رپورٹس کے مطابق لگژری گاڑی چوری ہونے کا یہ واقعہ گزشتہ روز پیش آیا، جب قیمتی کار کے مالک اور باندرہ کے مشہور تاجر روحان خان اپنے دوستوں کے ساتھ شلپا شیٹھی کے ریسٹورنٹ میں آئے۔
باندرہ کے مشہور تاجر روحان خاننے ریسٹورنٹ کی پارکنگ سے اپنی قیمتی گاڑی بی ایم ڈبلیو کے چوری ہونے کی ایف آئی آر ممبئی کے شیوا جی پارک پولیس سٹیشن میں درج کروا دی ہے ۔
بھارتی میڈیا کا بتانا ہے کہ بی ایم ڈبلیو کی چوری کا واقعہ گزشتہ روز ریسٹورنٹ کے باہر اس وقت پیش آیا جب کہ کار کے مالک باندرہ کے مشہور تاجر روحان خان اپنے دوستوں کے ساتھ ریسٹورنٹ میں آئے ہوئے تھے ۔
کار کے مالک نے اپنی بی ایم ڈبلیو کی چابیاں ریسٹورنٹ کے گارڈز کے حوالے کی تھیں اور خود دوستوں کے ساتھ ریسٹورنٹ کے اندر چلے گئے، جس کے بعد گاڑی کو پارکنگ ایریا میں کھڑا کر دیا گیا لیکن چند منٹ بعد ہی دو نامعلوم ملزمان گاڑی پارکنگ سے چوری کر کے لے گئے ۔
ممبئی کے شیوا جی پارک پولیس سٹیشن کی انویسٹی گیشن ٹیم نے ایف آئی آر درج کرتے ہوئے قانونی کارروائی اور نامعلوم ملزمان کی تلاش شروع کر دی ہے۔
