اس مرتبہ سوشل میڈیا پر آئمہ بیگ کی مقبولیت کی وجہ ان کے ساتھ دوسری مرتبہ نظر آنے والا ایک شخص ہے جس کے ساتھ گلوکارہ محبت میں مبتلا محسوس ہو رہی ہیں۔
گلوکارہ آئمہ بیگ کے گزشتہ کچھ ہفتوں سے سوشل میڈیا پر خوب چرچے ہیں جس کی وجہ ساتھی گلوکارہ سارہ رضا خان کے ساتھ ہونے والا تنازع تھا تاہم اب انہوں نے ایک مرتبہ پھر سوشل میڈیا صارفین کی بھرپور توجہ حاصل کی ہوئی ہے۔
کچھ دن قبل گلوکارہ آئمہ نے ایک شخص زینو کے ساتھ سوشل میڈیا پر ڈنر کی ایک تصویر اسٹوری پر اپ لوڈ کی تھی تاہم اب گلوکارہ کی طرف سے جو نئی تصویر شیئر کی گئی ہے اس میں وہ شخص گلوکارہ سے محبت کا اظہار کرتا دکھائی دے رہا ہے۔
گلوکارہ کی جانب سے سوشل میڈیا پر شیئر کی گئی تصویر میں واضح طور پر نظر آ رہا ہے کہ ڈنر ٹیبل پر پلیٹ میں پیش کئے گئے ڈیزرٹ پر چاکلیٹ کے ساتھ آئی لو یو لکھا گیا ہے۔
اس کے ساتھ ہی آئمہ بیگ نے اپنی ایک تصویر بھی شیئر کی ہے جس میں وہ ہرے رنگ کا ویسٹرن ڈریس پہنے ہوئے نظر آ رہی ہیں۔
سوشل میڈیا پر شیئر کی گئی ان تصاویر کے ساتھ کیپشن میں گلوکارہ نے لکھا کہ میں نے اس زیادہ اسپیشل کبھی محسوس نہیں کیا۔
سوشل میڈیا پر گلوکارہ کے اس نئے شخص کے ساتھ تعلقات کے بہت زیادہ چرچے ہو رہے ہیں تاہم ابھی تک گلوکارہ کی جانب سے اپنے اس نئے رشتے کا باقاعدہ طور پر کوئی بھی اعلان نہیں ہوا۔یاد رہے کہ اس سے قبل ان کی اداکار شہباز شگری کے ساتھ منگنی ہوئی تھی تاہم بعد ازاں دونوں نے سوشل میڈیا پر ہی منگنی ختم کرنے کا اعلان کر دیا تھا۔
