پشپا کے دیوانے مداحوں کے انتظار کی گھڑیاں اب ختم ہونے جا رہی ہیں کیونکہ پشپا: دی رول اگلے ماہ ریلیز کر دی جائے گی۔
اس فلم کے حوالے سے دیوالی پر الو ارجن اور رشمیکا مندانا کے شادی شدہ کردار کی جھلک بھی جاری ہو چکی ہے، جس نے فلم شائقین کو مزید پرجوش کر رکھا ہے۔
فلم کی ریلیز سے پہلے مداحوں کو پرجوش رکھنے کے لیے فلم میکرز نے ایک اور خطرناک پوسٹر جاری کر دیا ہے، جس میں الو ارجن اور فہد فاضل آمنے سامنے دکھائی دے رہے ہیں، جس سے ان دونوں کے درمیان زبردست تصادم کا منظر دکھائی دے رہا ہے۔
میتری مووی میکرز کی طرف سے جاری کئے گئے اس پوسٹر کے ساتھ کیپشن میں لکھا گیا ہے کہ ، ” پشپا 2 کے آغاز کے لیے تیار ہو جائیں! یہ فلم اس سال کی سب سے بڑی ہندوستانی فلم ثابت ہو گی۔” اس پوسٹر کے بعد دیوالی پر الو ارجن اور رشمیکا مندانا کے شادی شدہ کردار کی جھلک بھی جاری کی جا چکی تھی جس سے شائقین مزید پرجوش ہیں۔
پشپا 2 میں الو ارجن کے ساتھ فہد فاضل اور رشمیکا مندانا سمیت کئی اہم کردار شامل ہیں، اس نئی فلم کی ہدایت کاری سکمار نے کی ہے جبکہ اس فلم کی موسیقی ڈی ایس پی (دیوی سری پرساد) نے دی ہے۔
اس نئی فلم کی ریلیز 5 دسمبر کو طے کی جا چکی ہے جبکہ یہ میتری مووی میکرز کی طرف سے الو ارجن، فہد فاضل اور رشمیکا مندانا کی یہ نئی فلم ہندی سمیت تمام جنوبی زبانوں میں نمائش کے لیے پیش کی جا رہی ہے۔
