کیفین کا شوق رکھنے والے امریکی رہوڈ آئی لینڈ کے شہری نے 1019 کولڈ ڈرنک کینز جمع کر کے گنیز ورلڈ ریکارڈ اپنے نام کر لیا۔
اس حوالے سے جول کا کہنا ہے کہ میں نے کبھی سوچا بھی نہیں تھا کہ زندگی میں میرے پاس بھی کسی چیز کا گنیز ورلڈ ریکارڈ ہو سکتا ہے۔
رہوڈ آئی لینڈT سے تعلق رکھنے والے جول اسپیئرز نے ریکارڈ رکھنے والی تنظیم کو اپنا ریکارڈ جمع کرنے کے ثبوت پیش کیے جس پر متعلقہ ادارے نے اعلان کیا کہ اس بات کی باضابطہ تصدیق کر لی گئی ہے کہ جول کے پاس کولڈ ڈرنک کینز کا دنیا میں سب سے بڑا ذخیرہ موجود ہے۔
جول کا اس حوالے سے کہنا ہے کہ میں نے تو کبھی سوچا بھی نہیں تھا کہ میرے پاس بھی کسی بھی چیز کے لیے گنیز ورلڈ ریکارڈ ہو سکتا ہے۔ ریکارڈ ہولڈر کے بقول میرا یوٹیوب چینل کامیاب ہونے لگا اور میں صرف کولڈ ڈرنک کین جمع کرتا رہا اور ایک موقع پر میں نے دیکھا تو مجھے حیرت ہوئی کہ میرے پاس یہ کتنے سارے جمع ہو گئے ہیں اور پھر میں نے ان سب کو شمار کیا تو یہ ایک عالمی ریکارڈ بن چکا تھا۔
امریکی شہری جول نے تقریبا چھ سال قبل انرجی ڈرنکس کا جائزہ لینے کے لیے اپنا یوٹیوب چینل شروع کیا تھا، ان کے بقول عالمی ریکارڈ کے لیے درخواست دینا ایک حیرت انگیز طور پر پرجوش عمل ثابت ہوا۔ مجھے ریکارڈ جمع کرانے کیلئے تمام کینز کی مکمل طور پر ویڈیو ریکارڈ کرنی پڑی اور اس کے علاوہ مجھے ہر ایک کین کی الگ لاگ تصویر بھی لینی پڑی۔
جول کے بقول میں نہیں جانتا تھا کہ مجھے ہر ایک کین کی ایک آئٹمائزڈ فہرست کی ضرورت پڑی گی، مجھے آئٹمائزڈ لسٹ ٹائپ کرنے میں کافی زیادہ وقت لگا، یہ ایک طویل عمل تھا لیکن خوشی ہے کہ میری یہ محنت رائیگاں نہیں گئی۔
