اسلام آباد میں نئے نویلے جوڑے نے راستہ بند کرنے کے لئے لگائے گئے کنٹینرز کو فوٹو شوٹ کے لئے منتخب کیا اور وائرل ہو کر مرکز نگاہ بن گیا۔
وفاقی دارالحکومت نے قاسم اور خولہ اپنی زندگی کے بڑے دن اور خوشی کے لمحات کو شہر میں احتجاج کے باعث درپیش ایک غیر معمولی صورتحال کے باوجود منفرد انداز میں منا کر سب کی توجہ کا مرکز بن گئے۔
نئے نویلے جوڑے کی تصاویر اور ویڈیوز سوشل میڈیا پر وائرل ہوئیں اور سب کو خوشگوار حیرت میں مبتلا کر گئیں، جوڑے کی یہ تصاویر انسٹاگرام پر شیئر کی گئی ہیں جس میں خولہ نے سلور گرے اور قاسم نے چاندی کا خوبصورت رنگ کا سوٹ زیب تن کیا ہوا ہے۔
سوشل میڈیا صارفین کی طرف سے ان تصاویر پر ردعمل کا اظہار کرتے ہوئے دلہا دلہن کے لئے ان لمحات کو یادگار قرار دیا جا رہا ہے۔ ایک سوشل میڈیا صارف کا کہنا تھا کہ چاہے کچھ بھی ہوجائے کام کو ہرگز نہیں رکنا چاہئے۔
ایک صارف نے دلچسپ انداز میں لکھا کہ کیا پس منظر میں آنسو گیس شامل ہو سکتی ہے؟۔ ایک اور صارف کا کہنا تھا کہ یہ آپ کی زندگی کا لائف ٹائم ایونٹ ہے جسے لاک ڈائون نے ہیلو کہا۔
واضح رہے کہ تحریک انصاف کے احتجاج کے باعث اسلام آباد کے تمام راستوں کو کنٹینرز لگاکر بند کیا گیا ہے جس کے باعث شہریوں کو شدید مشکلات کا سامنا ہے اور معمولات زندگی مفلوج ہیں۔ ہر کوئی خصوصا نئے شادی شدہ جوڑے فوٹو شوٹ کے لئے خوبصورت جگہ پسند کرتے ہیں تاکہ ان کے لئے یہ یاد گار رہے، ایسے موقع پر اس جوڑے نے کنٹینرز کا انتخاب کیا جو یقینا ان کے لئے یادگار رہے گا۔
