مشہور ماڈل اور سوشل میڈیا اسٹار سوفی رین نے حال ہی میں اونلی فین سے ایک سال میں کمائی گئی اپنی حیران کن آمدنی کا انکشاف کیا ہے۔
اونلی فین پر سوفی رین کی ایک پوسٹ نے 17 ملین سے زائد ویوز حاصل کیے جبکہ اس پر صارفین کی طرف سے مختلف ردعمل کا اظہار بھی کیا گیا۔ سوفی کی طرف سے ایک سال کے دوران اونلی فین سے کمائے گئے $43.4 ملین ( تقریبا بارہ ارب روپے ) کی آمدنی کا اسکرین شاٹ X ( سابقہ ٹویٹر ) پر شیئر کیا گیا۔
سوشل میڈیا اسٹار سوفی رین نے اپنی اس پوسٹ کے کیپشن میں لکھا، “ایک سال کے لیے شکر گزار ہوں۔” سوفی کا یہ انکشاف نہ صرف ڈیجیٹل دنیا میں ایک ہلچل کا باعث بنا ہے بلکہ اس نے معروف شخصیات کی آمدنی کے ساتھ تقابل کا ایک نیا سلسلہ بھی شروع کر دیا ہے۔
میڈیا ذرائع کے مطابق سوفی رین کی طرف سے ظاہر کی گئی سالانہ آمدنی باسٹن سیلٹکس کے کھلاڑی جیسن ٹیٹم کی $35 ملین کی تنخواہ سے تقریبا 23% زیادہ ہے۔ جہاں ٹیٹم اپنی شاندار باسکٹ بال پرفارمنس کے لیے جانے جاتے ہیں، وہیں سوفی نے انٹرنیٹ پر اپنی موجودگی سے لوگوں کے لئے نئی کامیابیوں کے دروازے بھی کھول دئیے ہیں۔
یہاں پر دلچسپ بات یہ ہے کہ 2023 میں اونلی فین کے تخلیق کاروں نے مجموعی طور پر $6.6 بلین کمائے تھے جو کہ این بی اے کھلاڑیوں کے مجموعی $4.9 بلین کے پے رول سے بھی زیادہ ہے۔
مشہور ماڈل سوفی رین کی طرف سے اونلی فین پر کی گئی ایک پوسٹ نے 17 ملین سے زائد ویوز حاصل کیے جبکہ اس پر صارفین کی طرف سے مختلف ردعمل کا اظہار بھی سامنے آیا تھا۔
