اسکاٹ لینڈ میں 209 سال قدیم ترین لائٹ ہائوس کے معائنہ کے دوران ایک انجینئر کو 132 برس پرانا بوتل میں بند پیغام ملا۔
اس قدیم ترین لائٹ ہائوس سے ملنے والے اس بوتل بند پیغام میں لائٹ نصب کو کرنے والے تمام انجینئروں کے نام درج ہیں۔
نادرن لائٹ ہائوس بورڈ کے ایک مکینیکل انجینئر روس رسل نے کورس ویل لائٹ ہائوس میں کام کے دوران وہاں موجود ایک الماری سے کچھ پینل جیسے ہی ہٹائے تو وہاں دیوار کے اندر پوشیدہ ایک بوتل برآمد اسے ملی۔
روس رسل اور ان کی ٹیم نے رسی اور جھاڑو کا ہینڈل استعمال کرتے ہوئے اس بوتل کو وہاں سے نکالا تو حیران کن طور پر بوتل کے اندر ایک پیغام بند تھا، جس پر لائٹ ہائوس کی دیکھ بھال کرنے والے بیری ملر کے ساتھ مل کر اس بوتل کو کھولنے کی کوشش کی۔
روس رسل اور ان کی ٹیم کا کہنا ہے کہ اس کوشش کے دوران بوتل کا کارک اپنی جگہ پر پھنس گیا تھا، اس لیے ڈرل کا استعمال کرتے ہوئے اس کو احتیاط کے ساتھ نکالا گیا۔
لائٹ ہائوس کی دیکھ بھال کرنے والے بیری ملر نے مذاقا کہا کہ اس موقع پر ہم سب نے یہ عہد کیا تھا کہ اگر یہ خزانے کا نقشہ ہوا تو ہم خاموش رہیں گے۔
بوتل کے اندر سے برآمد ہونے والے پیغام کو پڑھا گیا تو اس پر 4 ستمبر 1892 کی تاریخ درج تھی اور اس کے ساتھ ان تین انجینئروں کے نام لکھے ہوئے تھے جنہوں نے 100 فٹ بلند لائٹ ہائوس پر لائٹس نصب کی تھیں۔ ان کے علاوہ اس پر لائٹ ہائوس کے تین رکھوالوں کے نام بھی درج تھے۔
