پاکستانی ٹک ٹاکر شاہ تاج نے ایک مرتبہ پھر دعوی کیا ہے کہ پاکستانی کرکٹر شاداب خان 6 سے 7 ماہ تک ان کے ساتھ تعلقات میں رہے۔
ایک نجی ٹی وی کے پروگرام میں متھیرا کو دئیے جانے والے انٹرویو میں معروف ٹِک ٹاکر شاہ تاج نے بھی شرکت کی، جس کی ویڈیو سوشل میڈیا پر خوب وائرل ہو رہی ہے، جس میں وہ کرکٹر شاداب خان کے ساتھ دوستی کا اعتراف کرتی ہوئی نظر آ رہی ہیں۔
ٹک ٹاکر شاہ تاج کا کہنا تھا کہ وہ معروف آل رائونڈر پر فدا تھی اور وہ میرا کرش تھے، یہ بات وہ خود بھی جانتے تھے، مجھے صرف ان کی وجہ سے ہی کرکٹ اچھی لگتی تھی۔
شاہ تاج کے بقوم وہ ان کی اتنی بڑی مداح تھی کہ صرف ان کی خاطر کرکٹ میچز دیکھنے لاہور تک بھی چلی گئی تھی اور وہ انتہا کی حد تک ان کو چاہتی تھیں لیکن جب انہوں نے شادی کر لی تو پھر میرا دل ٹوٹ گیا۔
ٹِک ٹاکر نے دعوی کرتے ہوئے مزید کہا کہ ہم نے واٹس ایپ کے ساتھ ساتھ انسٹا گرام پر بھی تقریبا 6 سے 7 ماہ تک بات چیت کی۔
میرے اور شاداب خان کے درمیان باضابطہ طور پر بات چیت ہوتی رہتی تھی، ہم دونوں کے درمیان اچھے روابط تھے لیکن اس کے باوجود آل رائونڈر نے مجھے شادی سے متعلق آگاہ نہیں کیا تھا۔
یاد رہے کہ آل رائونڈر شاداب خان کے حجاب کو برا بھلا بولنے پر شاہ تاج سوشل میڈیا پر شدید تنقید کی زد میںبھی رہ چکی ہیں۔
