ایک شہری کو اس وقت غلط طریقے سے جیل کی ہوا کھانی پڑ گئی جب پولیس نے ٹالکم پائوڈر کو کوکین سمجھ لیا اور شہری کو جیل میں بند کر دیا۔
ارجنٹینا میں پولیس نے دوران تلاشی ایک شہری کے پاس سے 18 ڈبے ٹالکم پائوڈر کے برآمد کیے تاہم پولیس نے جسم پر لگانے والے عام خوشبودار پائوڈر کو منشیات سمجھ کر شہری کو جیل میں بند کر دیا۔
رپورٹس کے مطابق ارجنٹینا میں شہری کو پولیس کی غلطی کی وجہ سے جیل بھگتنا پڑ گئی، پولیس نے جسم پر لگائے جانے پائوڈر کو کوکین سمجھ کر شہری کو جیل میں ڈال دیا اور بعد ازاں پائوڈر نما مادے کی اصل نوعیت کا تجزیہ کرنے کے سلسلے میں پولیس کو تین ہفتے لگے۔
میکسیمیلیانو نامی شہری اکوسٹا مینڈوزا کے قصبے سے دارالحکومت بیونس آئرس کی طرف جانے کے لئے بس پر سوار ہوا۔ تھوڑی دیر بعد بس کو لا پاز میں پولیس کی جانب سے چیکنگ کے لئے روک لیا گیا۔
دوران چیکنگ پولیس نے مذکورہ شہری کے پاس سے 18 ڈبے پائوڈر کے برآمد کیے اور اس سے پوچھ گچھ شروع کر دی۔
شہری کی تمام تر وضاحت کے باوجود پولیس نے اس پائوڈر کو منشیات سمجھتے ہوئے شہری کو حراست میں لے لیا اور پائوڈر پر کسی بھی قسم کا ٹیسٹ کیے بغیر میکسیمیلیانو کو اس کے اہل خانہ کو آگاہ کیے بغیر ہی اسے سلاخوں کے پیچھے ڈال دیا گیا۔
تاہم بعد میں جب ٹیسٹ کیا گیا تو افسران کو پتہ چلا کہ شہری اپنے سامان میں ذاتی حفظان صحت کے لیے جسم پر لگائے جانے والے پائوڈر کے ڈبے لے کر جا رہا تھا۔
