اداکارہ عائشہ آفریدی نے اپنے ایک حالیہ انٹرویو میں قومی کرکٹ ٹیم کے سابق کپتان شاہد آفریدی سے کسی بھی قسم کے تعلق کی خبروں کی سختی سے تردید کر دی۔
پاکستانی اداکارہ عائشہ آفریدی نے مقامی چینل کو دئیے گئے ایک انٹرویو میں بات چیت کرتے ہوئے کہا ہے کہ ہمارے خاندان میں شوبز کا قطعی طور پر کوئی رواج نہیں ہے، اس لئے مجھے شوبز میں آنے کے لیے گھر والوں کو منانے میں بہت زیادہ دقت ہوئی۔
اداکارہ نے اس موقع پر قومی کرکٹ ٹیم کے سابق کپتان اور آل رائونڈر شاہد آفریدی کے ساتھ کسی بھی قسم کے تعلق کی خبروں کی سختی سے تردید بھی کی۔
مقامی چینل کے شو میں بطور مہمان شرکت کے دوران میزبان ایاز سموں نے سوال کرتے ہوئے پوچھا کہ کیا آپ شاہد آفریدی کی رشتے دار ہیں؟ جس پر عائشہ نے کہا: “میرا شاہد آفریدی سے کوئی تعلق نہیں، لوگ مجھ سے بار بار یہ سوال کرتے ہیں، لیکن میں یہی جواب دیتی ہوں کہ میں عائشہ آفریدی ہوں اور میرا شاہد آفریدی سے کوئی رشتہ نہیں ہے۔”
اداکارہ کا مزید کہنا تھا کہ ان کا تعلق ایک پٹھان خاندان سے ہے اور شوبز میں قدم رکھنے کے لیے انہیں مختلف قسم کی سخت مشکلات کا سامنا کرنا پڑا۔ عائشہ نے بتایا کہ “ہمارے خاندان میں شوبز کا کوئی رواج نہیں، مجھے شوبز میں آنے کے لیے گھر والوں کو منانے میں بہت دقت ہوئی۔”
اس موقع پر انہوں نے یہ بھی کہا کہ وہ ایک اداکارہ ہونے کے باوجود اپنے خاندان میں زیادہ اہمیت نہیں رکھتیں اور یہ ان کی روایتی پٹھان فیملی کی عکاسی بھی کرتا ہے۔
