ان وائرل ہونے والی تصاویر میں ریحام خان عروسی لباس زیب تن کئے ہوئے ہیں جبکہ ان کے شوہر نے سنہرے اور سفید رنگ کی شیروانی پہنی ہوئی ہے۔
سابق اینکر، فلم پروڈیوسر اور بانی پی ٹی آئی عمران خان کی سابقہ اہلیہ ریحام خان کی طرف سے اپنی شادی کی دوسری سالگرہ کے موقع پر شوہر مرزا بلال کے ساتھ ایک شاندار فوٹو شوٹ کروایا گیا ہے۔
شادی کی دوسری سالگرہ پر کروایا جانے والا فوٹو شوٹ بڑی تیزی کے ساتھ مختلف سوشل میڈیا پلیٹ فارم پر وائرل ہو رہا ہے اور سوشل میڈیا کے صارفین کی طرف سے خوب پسند بھی کیا جا رہا ہے۔
دوسری سالگرہ کی ان تصاویر میں دیکھا جا سکتا ہے کہ ریحام نے دلہن کی طرح عروسی لباس زیب تن کیا ہوا ہے جبکہ ان کے شوہر نے سنہرے اور سفید رنگ کی شیروانی پہن رکھی ہے۔
یاد رہے کہ سابق اینکر ریحام نے دسمبر 2022 میں مرزا بلال کے ساتھ شادی کی تھی جو ان سے عمر میں چھوٹے ہیں، اس وقت ریحام اپنے شوہر کے ساتھ پاکستان میں ہی وقت گزار رہی ہیں۔
سوشل میڈیا صارفین نے ان کے فوٹو شوٹ کی تعریف کرتے ہوئے ان کے سدا بہار حسن اور اسٹائل کو خوب سراہا ہے۔ اس حوالے سے ایک صارف نے لکھا، وہ خاتون جنہوں نے وقت کو شکست دے دی۔
مداحوں کی طرف سے جوڑے کے لیے محبت بھری اور کامیاب زندگی کی دعائیں بھی کی جا رہی ہیں۔
