اسلام آباد: سیکٹر C-14 میں سی ڈی اے کا مزید رہائشی پلاٹس متعارف کروانے کا فیصلہ
سیکٹر C-14 میں پاکستانی شہریوں کی دلچسپی کو مدنظر رکھتے ہوئے سی ڈی اے نے مزید رہائشی پلاٹس متعارف کروانے کا فیصلہ کیا ہے.
اس ضمن میں سی ڈی اے اور ڈی ایچ اے کے باہمی اشتراک سے شہریوں کیلئے سرمایہ کاری کا سنہری موقع پیش کیا جارہا ہے.
سی ڈی اے اور ڈی ایچ اے کے اشتراک سے پیش کیا جانے والا مارگلہ انکلیو محل وقوع کے اعتبار سے اسلام آباد کا خوبصورت رہائشی منصوبہ ہے.
مارگلہ انکلیو میں 5 مرلے، 10 مرلے اور ایک کنال کے رہائشی پلاٹس سرمایہ کاری کیلئے پیش کئے جارہے ہیں جو 1, 2 اور 3 سال کی آسان اقساط پر حاصل کئے جاسکتے ہیں.
مارگلہ انکلیو میں تمام بنیادی شہری سہولیات فراہم کی جائیں گی. تمام شہری سی ڈی اے کی ویب سائٹ سے مارگلہ انکلیو کی تمام معلومات حاصل کرسکتے ہیں.
چیئرمین سی ڈی اے محمد علی رندھاوا نے کہا کہ سی ڈی اے اور ڈی ایچ اے کے تعاون سے یہ رہائشی منصوبہ مستقبل میں ایک اہم سنگ میل کی حیثیت رکھتا ہے.
واضح رہے اس سے قبل سیکٹر C-14 کی کامیاب قرعہ اندازی کا عمل بھی کیا جاچکا ہے جسمیں کامیاب اور سیز پاکستانی C-14 سیکٹر کی پہلی قسط جمع کرا کر پلاٹ کی کنفرمیشن حاصل کرسکتے ہیں.
واضح رہے چیئرمین سی ڈی اے محمد علی رندھاوا کی ہدایت پر عملدرآمد کو یقینی بناتے ہوئے سیکٹر C-14 کا ڈیولپمنٹ کا کام تیزی سے جاری اور اس کا قبضہ آخری قسط کی ادائیگی پر کردیا جائے گا.
