سیریز کے دوسرے ٹیسٹ میچ میں کی پہلی اننگز میں پاکستانی ٹیم 154 رنز پر ہی ڈھیر ہو گئی۔ ویسٹ انڈیز نے اپنی پہلی اننگز میں 163 رنز بنائے تھے۔
ملتان میں کھیلے جا رہے سیریز کے دوسرے ٹیسٹ میں پہلے دن کا کھیل ختم ہو گیا، ویسٹ انڈیز کل صبح ساڑھے 9 بجے 9 رنز کی برتری کے ساتھ اپنی دوسری اننگز شروع کرے گا، پاکستان نے اپنی پہلی اننگز میں انتہائی مایوس کن کھیل پیش کیا۔
کپتان شان مسعود 15، کامران غلام 16، محمد ہریرہ 9 اور بابراعظم محض ایک رن بنا کر آئوٹ ہوئے، پانچویں وکٹ پر سعود شکیل اور محمد رضوان نے 68 رنز کی پارٹنرشپ قائم کی۔ سعود 32 کے انفرادی اسکور جبکہ محمد رضوان بھی 49 رنز پر وکٹ گنوا بیٹھے۔
نعمان علی صفر، سلمان آغا 9، ابرار احمد 2 اور کاشف علی بھی صفر پر آوٹ ہو گئے۔ مہمان ٹیم کی جانب سے جومل واریکن نے 4، گڈاکیش موتی نے 3 اور کیمار روچ نے 2 وکٹیں حاصل کیں۔
قبل ازیں مہمان ٹیم اپنی پہلی اننگز میں 163 رنز بنا کر آوٹ ہو گئی تھی، پاکستانی اسپنرز نے محض ایک گھنٹے میں ویسٹ انڈیز کے 7 ابتدائی بلے بازوں کو پویلین واپس بھیج دیا۔
کپتان کریگ براتھ 9، میکل لیوس 4، جسٹن گریوز ایک، عامر جینگو، ایلک اتھاناز، ٹیون املاچ اور کیون سنکلیئر صفر پر آئوٹ ہوئے۔ کیویم ہوج 21 اور کیمار روچ 25 رنز کے مہمان بنے تاہم گڈاکیش موتی نے 55 اور جومل واریکن نے36 رنز کی مزاحمتی اننگز کھیلی۔
پاکستان کی جانب سے نعمان علی نے ہیٹرک مکمل کرتے ہوئے 6، ساجد خان نے 2 جبکہ ابرابر احمد اور ڈیبیو کرنیوالے کاشف علی نے ایک ایک وکٹ حاصل کی۔
