دونوں ٹیمیں آئی سی سی ایونٹ میں 23 فروری کو مدمقابل آئیں گی تاہم بھارتیوں کو پاکستانی اسکواڈ پر ابھی سے تشویش ہونے لگی۔
بھارت کے اسپورٹس جنرلسٹ اپنے سوشل میڈیا پلیٹ فارمز پر پاکستانی اسکواڈ کا ذکر کرتے ہوئے تشویش کا اظہار کر رہے ہیں کہ محض ایک اسپنر کے ساتھ گرین شرٹس چیمپئینز ٹرافی کھیلنے میدان پر اتر رہا ہے۔
اسپورٹس کے پلیٹ فارم پر ایک جنرلسٹ نے اپنا تجزیہ دیتے ہوئے سوال اٹھایا کہ گرین شرٹس محض ایک اسپنر ابرار احمد کے ساتھ اہم ٹورنامنٹ کھیلنے جا رہے ہیں۔
ان کا کہنا تھا کہ سلمان آغا اور خوشدل شاہ بھی بائولنگ کروا لیتے ہیں لیکن ریگولر اسپنر ایک ہے اور دبئی اور پاکستان کی پچز پر اسپنرز کا کردار زیادہ موزوں ہوتا ہے۔
انہوں نے مزید کہا کہ پاکستانی ٹیم میں کئی ایسے کھلاڑیوں کی واپسی ہو رہی ہے جنہوں نے طویل عرصے سے ون ڈے فارمیٹ نہیں کھیلا ہے جبکہ عثمان خان کی حالیہ پرفارمنس بھی کوئی خاص نہیں، اس لئے پاکستان کا اسکواڈ سمجھ نہیں آیا ہے۔
فاسٹ بولنگ میں پاکستان نے شاہین، نسیم اور حارث کیساتھ حسنین کو موقع دیا ہے، جو اچھا فیصلہ ہے لیکن صائم انجری نے گرین شرٹس کے اوپننگ پر بابراعظم کی شمولیت پر بھی تشویش کا اظہار کیا جا رہا ہے۔
بھارتی تجزیہ کاروں کا کہنا ہے کہ ان کی حالیہ فارم کو دیکھتے ہوئے لگتا ہے کہ اوپننگ کی ذمہ داری مزید مشکل کھڑی کر سکتی ہے کیونکہ ٹیسٹ سیریز میں وہ مسلسل ناکام رہے ہیں۔
یہ واضح رہے کہ آئی سی سی چیمپئینز ٹرافی میں روایتی حریف پاکستان اور بھارت کی ٹیمیں 23 فروری کو مدمقابل آئیں گی۔
