امریکا میں پہلی بار لاٹری کا ٹکٹ خریدنے والی خاتون نے ڈیڑھ لاکھ ڈالرز کا انعام جیتا تو اس کے لئے یہ ناقابل یقین تھا۔
میڈیا رپورٹ کے مطابق امریکی ریاست نارتھ کیرولائنا کے علاقے ہرڈل ملز سے تعلق رکھنے والی خاتون سڈنی ڈیوس نے بتایا کہ وہ علاقے کے ایک اسٹور پر گئیں اور انہوں نے وہاں سے زندگی کا پہلا پاور بال ٹکٹ خریدا۔
خاتون کی سے طرف سے زندگی میں پہلی بار لاٹری کے خریدے گئے ٹکٹ پر موجود چار ہندسے ( وائٹ بالز ) اور ریڈ پاور بال چند روز بعد ہی ہونے والی قرعہ اندازی میں میچ ہو گئے، جس کے نتیجہ میں انہوں نے 50 ہزار ڈالرز کا انعام جیتا۔
خاتون کے مطابق چونکہ اس نے پاور پلے اور 3 ایکس آپشن کا انتخاب کیا تھا اس لیے ان کا انعام تین گنا بڑھ کر ڈیڑھ لاکھ ڈالرز بن گیا۔
امریکی ریاست نارتھ کیرولائنا کے علاقے ہرڈل ملز سے تعلق رکھنے والی خاتون سڈنی ڈیوس کا کہنا تھا کہ انہیں اس کے بارے میں یقین ہی نہیں آ سکا۔
انہوں نے ایسا پہلے کبھی نہیں کیا تھا۔ وہ خاص طور پر اس لیے حیران تھیں کہ انہوں نے کبھی لاٹری نہیں کھیلی تھی۔ انہوں نے زندگی میں پہلی ہی بار لاٹری کا ٹکٹ خریدا اور قسمت ان پر مہربان ہو گئی۔
