یورپی خلائی ایجنسی نے ایک ایسے سیارچے کی نگرانی شروع کر دی ہے جو ماہرین فلکیات کے مطابق 2032 میں زمین سے ٹکرا سکتا ہے۔
زمین سے عنقریب ٹکرانے والے اس سائز کا سیارچہ اوسطا ہر چند ہزار سال بعد زمین پر اثر انداز ہوتا ہے۔
سیارچہ YR4 27 دسمبر 2024 کو چلی میں ایک دوربین کے ذریعے دیکھا گیا تھا لیکن اس کے بعد سے اس نے امریکا کے ساتھ ساتھ یورپ کے ماہرین فلکیات کی توجہ بھی حاصل کر لی ہے۔
اس حوالے سے یورپی ایجنسی نے بیان میں کہا ہے کہ جنوری کے اوائل سے ماہرین فلکیات دنیا بھر میں دوربینوں کا استعمال کرتے ہوئے اور نئے ڈیٹا کا استعمال کرتے ہوئے سیارچے کے سائز اور رفتار کے بارے میں ہماری سمجھ کو بہتر بنانے کے لیے اس کا مسلسل مشاہدہ کرنے میں مصروف ہیں۔
ماہرین فلکیات کے موجودہ تخمینوں کی بنیاد پر 1.3 فیصد امکان ہے کہ 328 فٹ چوڑا سیارچہ 22 دسمبر 2032 کو زمین سے ٹکرا سکتا ہے۔
ماہرین فلکیات کا مزید کہنا ہے کہ اس سائز کا سیارچہ اوسطا ہر چند ہزار سال بعد زمین پر اثر انداز ہوتا ہے اور کسی بھی علاقے میں گرنے کی وجہ سے اس کو شدید نقصان بھی پہنچا سکتا ہے۔
