قومی کرکٹ ٹیم کے سابق کپتان اور ون ڈے کے سرفہرست بلے باز بابر اعظم بڑی مشکل کا شکار ہو گئے، ان کا موبائل فون کھو گیا ہے۔
پاکستان کرکٹ ٹیم کے سابق کپتان نے اپنا موبائل فون کہیں کھو یا چوری ہو جانے کی اطلاع سماجی رابطے کی سائٹ انسٹاگرام پر اسٹوری کی صورت میں اپنے مداحوں کے ساتھ شیئر کی۔
اس سلسلے میں انہوں نے مداحوں کو اپنے ساتھ پیش آئی پریشانی کے حوالے سے بتایا کہ میرا موبائل فون کہیں کھو گیا جس کے بعد سارے رابطے کے نمبر بھی چلے گئے ہیں۔
نامور بلے باز نے انسٹا گرام پر اپنی اسٹوری میں مزید کہا کہ موبائل فون اور نمبرز مل جانے کی صورت میں وہ دوبارہ رابطہ کر لیں گے۔
ان کے مداحوں نے بھی شدید پریشانی کا اظہار کیا ہے کہ بابر اعظم بڑی مشکل کا شکار ہو گئے ہیں۔ ان کے مداحوں نے موبائل فون کھو جانے پر تشویش کا اظہار کرتے ہوئے انہوں نے جلد موبائل مل جانے کی دعا کی اور بلے باز کے ساتھ ہمدردی کا بھی اظہار کیا ہے۔
تاہم یہ واضح نہیں ہو سکا کہ پاکستان کرکٹ ٹیم کے سابق کپتان اور نامور بیٹر کا موبائل فون کہاں سے کھویا ہے کیونکہ انہوں نے ابھی تک کسی بھی مقام کا تذکرہ نہیں کیا۔
