پاکستانی کرکٹ ٹیم کے لئے تیار کردہ چیمپئینز ٹرافی کٹ دیکھ کر شائقین کی آنکھوں میں سبز رنگ میں وسیم، وقار اور شعیب دیکھائی دینے لگے۔
آئی سی سی چیمپئینز ٹرافی کے لئے پاکستان ٹیم کی جرسی کی رونمائی کر دی گئی۔ قذافی اسٹیڈیم کے افتتاح کے موقع پر پاکستان کرکٹ بورڈ ( پی سی بی ) نے قومی ٹیم کی جرسی کی رونمائی کی، جس میں پوری ٹیم گرین شرٹس پہننے میدان میں اتری۔
قذافی اسٹیڈیم کی افتتاحی تقریب کے موقع پر پاکستان ٹیم کی جرسی کی رونمائی ہوئی، جس کو دیکھنے کے لئے ہزاروں کی تعداد میں تماشائی موجود تھے اور انہوں نے کھلاڑیوں کی حوصلہ افزائی کی۔
فینز کی جانب سے چیمپئینز ٹرافی کٹ کے کلر کو خوب پذیرائی مل رہی ہے، یہ وہی رنگ ہے جو ماضی میں 1999 اور 1992 کی ٹیموں کے کھلاڑیوں نے پہنا تھا۔
یاد رہے کہ سال 1992 میں قومی ٹیم نے ٹائٹل اپنے نام کیا جبکہ 1996 کی ٹیم نے ورلڈکپ کے فائنل تک رسائی حاصل کی تھی۔ یہ وہ دور تھا جب پاکستان کو وسیم اکرم، وقار یونس، شعیب اختر جیسے اسٹارز ملے تھے۔
اس 90 کی دہائی کو پاکستان کرکٹ کا عروج بھی تصور کیا جاتا ہے جب گرین شرٹس کو شکست دینا بڑی ٹیوں کا خواب ہوا کرتا تھا۔
