نیشنل سٹیڈیم کراچی کے ڈریسنگ رومز اور ہاسپٹیلٹی باکسز کو ٹیموں اور شایقین کا انتظار، صدر مملکت آصف علی زرداری نئی عمارت کا افتتاح کریں گے۔
نیشنل سٹیڈیم کراچی میں جاری تعمیر نو کا کام بھی مکمل کر لیا گیا ہے، چیمپئنز ٹرافی کے سلسلے میں یہاں ہونے والے میچز کے لئے خاص طور پر سٹیڈیم کی تعمیر نو کا کام کیا گیا ہے۔
سٹیڈیم میں جاری تعمیر نو کا کام مکمل ہونے کے بعد اب صدر مملکت آصف علی زرداری 11 فروری کو سٹیڈیم کی نئی عمارت کا افتتاح کریں گے۔
کراچی اسٹیڈیم کے پویلین میں کمانڈ اینڈ کنٹرول روم بھی بنا دیا گیا ہے جبکہ نئی بلڈنگ اور سٹیڈیم میں جدید طرز کے سی سی ٹی وی کیمروں کی انسٹالیشن کا کام بھی مکمل ہو چکا ہے۔
تعمیر نو کا کام مکمل ہونے کے بعد اب سٹیڈیم کے ڈریسنگ رومز اور ہاسپٹیلٹی باکسز کو ٹیموں اور شایقین کا انتظار ہے، صدر مملکت آصف علی زرداری نئی عمارت کا افتتاح 11 فروری کو کریں گے۔ اس سلسلے میں تمام تر تیاریاں مکمل کر لی گئی ہیں۔
واضح رہے کہ کراچی کے اس سٹیڈیم میں سہ ملکی سیریز کے مقابلے 12 اور 14 فروری کو شیڈول ہیں جبکہ چیمپئنز ٹرافی کا آغاز 19 فروری کو کراچی سے ہو گا۔
