بنگلا دیش کی 2 نامور اداکارائوں و ماڈلز کو پولیس نے نامعلوم مقدمات کے سلسلے میں تفتیش کے لئے گرفتار کر لیا۔
کچھ روز قبل مشتعل ہجوم نے معروف بنگلا دیشی اداکارہ مہر افروز کے والد کے گھر کو آگ لگا دی تھی، اداکارہ سہانا صبا کو بھی پوچھ گچھ کے لئے پولیس نے حراست میں لیا ہے۔
میڈیا رپورٹس کے مطابق گزشتہ دنوں مشہور و معروف اداکارہ و ہدایت کار مہر افروز کو پولیس نے حراست میں لیا تھا، جن کے گھر کو نامعلوم افراد نے آگ لگا دی تھی اور ان کے والد کے گھر کو بھی نذر آتش کر دیا گیا تھا۔
اب مزید خبریں سامنے آئی ہیں کہ اداکارہ سہانا صبا کو بھی پوچھ گچھ کے لئے پولیس نے حراست میں لے لیا ہے۔ رپورٹس میں کہا گیا ہے کہ انھیں 6 فروری کو حراست میں لیا گیا اور سوال و جواب کے لیے ڈٹیکٹیو برانچ دفتر لے جایا گیا۔
ڈھاکہ میٹرو پولیٹن پولیس کے ڈپٹی کمشنر محمد ولبر رحمان نے اداکارہ سوہانا صبا سے تفتیش کرنے کی تصدیق کر دی ہے۔ اس سے قبل اداکارہ و ہدایت کار مہر افروز شان کو ڈھاکہ کے دھان منڈی علاقہ میں ان کی رہائش سے حراست میں لیا گیا تھا۔
مہر کے تعلق سے ڈٹیکٹیو برانچ کے چیف رضا الکریم ملک نے کہا تھا کہ مہر کو ملک کے خلاف سازش کرنے کے الزام میں حراست میں لیا گیا ہے۔
یہ واضح رہے کہ دونوں نامور اداکارائوں کو شیخ مجیب الرحمان کی پارٹی عوامی لیگ کا ہمدرد سمجھا جاتا ہے۔
