محکمہ موسمیات نے رمضان المبارک کے چاند کے حوالے سے پیش گوئی کی ہے، پاکستان میں پہلا روزہ 2 مارچ کو ہونے کا امکان ہے۔
رمضان المبارک کا مقدس مہینہ اب محض چند دنوں کی دوری پر ہے اور ہر سال دنیا بھر کے مسلمان رمضان المبارک کے بابرکت مہینے کا بے صبری کے ساتھ انتظار کرتے ہیں۔
محکمہ موسمیات کی طرف سے رمضان المبارک کے چاند کے حوالے سے پیش گوئی کی گئی ہے، جس کے مطابق پاکستان میں پہلا روزہ 2 مارچ کو ہو سکتا ہے۔
محکمہ موسمیات کی طرف سے کی گئی پیش گوئی کے مطابق پاکستان میں رمضان کا چاند 28 فروری کو نظر آنے کا امکان نہیں ہے۔
28 فروری کو چاند کی پیدائش 5 بجکر 45 منٹ پر ہو گی، اس طرح غروب آفتاب کے وقت چاند کی عمر 13 گھنٹے 12 منٹ ہو گی، جبکہ چاند دکھائی دینے کے لئے اس کی عمر 19 گھنٹے ہونا ضروری ہے۔
محکمہ موسمیات کا کہنا ہے کہ 29 شعبان کو مطلع کہیں صاف اور کہیں بادل چھائے رہنے کا امکان ہے۔
یہ بھی واضح رہے کہ ملک بھر میں ماہ مقدس رمضان المبارک اور عیدالفظر کے چاند کا حتمی اعلان مرکزی رویت ہلال کمیٹی کرے گی۔
