قومی ٹیم کے سابق کپتان بابراعظم کا موبائل فون گم ہونے سے متعلق دیا گیا بیان مارکیٹنگ اسٹنٹ نکلا، جس پر مداحوں نے ردعمل دیا۔
قومی ٹیم کے سابق کپتان نے اپنا موبائل کھو یا چوری ہوجانے کی اطلاع سماجی رابطے کی سائٹ انسٹاگرام پر اسٹوری کی صورت میں شیئر کی تھی۔
مداحوں کو اپنے ساتھ پیش آئی پریشانی کے حوالے سے انہوں نے بتایا کہ میرا موبائل فون کھو گیا جس کے بعد سارے رابطے کے نمبر بھی چلے گئے ہیں تاہم اب خبر سامنے آئی ہے کہ یہ ایک مارکیٹنگ اسٹنٹ تھا۔
بابراعظم کا موبائل فون کھو یا چوری ہونے کی پوسٹ پر مداحوں نے تشویش کا اظہار کرتے ہوئے کرکٹر کو پریشان نہ ہونے کی یقین دہانی کرائی تھی۔
اب سابق کپتان نے نجی کمپنی کی مارکیٹنگ کرتے ہوئے بتایا کہ فون مل گیا اور آپ کی تمام پریشانیوں کو بہت سراہا جاتا ہے، انہوں نے پوسٹ پر ہنستے ہوئے ایموجی کو بھی شامل کیا ہے۔
قومی کرکٹر کے فون اسٹنٹ پر کچھ شائقین محظوظ ہوئے جبکہ دیگر نے ان کو مشورہ دیا کہ وہ اپنی فارم پر توجہ مرکوز کریں ناکہ ڈرامے بازیوں پر!۔
ایک صارف نے کہا کہ بابر اعظم پرینک کے بجائے اپنی فارم پر توجہ دیتے تو پاکستان سہ ملکی سیریز کا پہلا میچ جیت سکتا تھا۔
