دورہ پاکستان کے دوران ترک صدر طیب اردوان نے صدر آصف علی زرداری اور وزیراعظم شہباز شریف سے الگ الگ ملاقاتیں کیں۔
ترک صدر رجب طیب اردوان نے صدر مملکت آصف علی زرداری اور وزیر اعظم شہباز شریف کو ترکیہ ساختہ الیکٹرک گاڑی کا تحفہ دے دیا۔
رجب طیب اردوان نے وزیر اعظم ہائوس آمد پر وزیر اعظم شہباز شریف کو ترکیہ ساختہ الیکٹرک گاڑی تحفے میں دی جہاں وزیر اعظم شہباز شریف نے طیب اردوان کے ہمراہ گاڑی میں بیٹھ کر ڈرائیو بھی کیا۔
بعد ازاں صدر ترکیہ ایوان صدر گئے اور صدر آصف علی زرداری کو بھی الیکٹرک گاڑی کا تحفہ پیش کیا، اس موقع پر خاتون اول آصفہ بھٹو زرداری نے گاڑی کو ڈرائیو کیا جبکہ طیب اردوان آصفہ بھٹو زرداری کے ہمراہ فرنٹ سیٹ پر بیٹھے رہے۔
اس موقع پر صدر مملکت آصف علی زرداری اور وزیر اعظم شہباز شریف نے طیب اردوان کا الیکٹرک گاڑی کا تحفہ قبول کرتے ہوئے ان کا شکریہ ادا کیا۔
صدر طیب اردوان کے ہمراہ ان کی اہلیہ امینہ اردوان بھی پاکستان کے دورے پر ہیں، جنہوں نے خاتون اول آصفہ بھٹو زرداری سے ملاقات کی۔
وزیراعظم شہباز شریف سے ملاقات کے موقع پر وزیراعلی پنجاب مریم نواز شریف بھی موجود تھیں۔
