پاکستان کے معروف مذہبی اسکالر مفتی قوی اور راکھی ساونت کی شادی کی خبریں گرم ہیں، انہوں نے تصدیق کی کہ یہ تاریخ راکھی نے خود دی ہے۔
اس حوالے سے پہلے مفتی قوی نے مشروط شادی کی پیشکش کی، پھر راکھی ساونت نے مثبت ردعمل دیا، اور اب مفتی قوی نے نکاح کی تاریخ کا اعلان بھی کر دیا ہے۔
ایک پروگرام میں مفتی قوی اور راکھی ساونت کی شادی کے سوال پر جواب دیتے ہوئے انہوں نے انکشاف کیا کہ ان کا نکاح 14 فروری کو ہونے جا رہا ہے۔
میزبان کے سوال پر انہوں نے تصدیق کی کہ یہ تاریخ راکھی ساونت کی طرف سے دی گئی ہے۔
ان کا مزید کہنا تھا کہ شادی کے بعد راکھی ساونت کا لباس مکمل اسلامی اور شرعی ہو گا، اور یہ بھی ممکن ہے کہ وہ خود بھی اپنا لباس تبدیل کر لیں۔
قبل ازیں ایک پوڈ کاسٹ میں مفتی قوی نے کہا تھا کہ اگر ان کی والدہ اجازت دیں تو وہ راکھی ساونت سے نکاح کرنے کے لیے تیار ہیں۔
ان کا مزید کہنا تھا کہ ان کی والدہ نے ہدایت دی ہے کہ نکاح کا فیصلہ ان کی مرضی سے ہونا چاہیے اور کسی کو اپنے نکاحوں کی تعداد نہ بتائیں۔
اس پر راکھی ساونت نے مفتی قوی کی شادی کی پیشکش پر مزاحیہ انداز میں جواب دیا تھا: “میں تو کسی مولانا سے شادی کے لیے مر رہی ہوں، قوی صاحب آپ کے نام میں ہی ‘قوی’ آتا ہے، میرے لیے ‘کویتا’ (شاعری) لکھیے!”
