میڈیا رپورٹس کے مطابق 62 سالہ ٹام کروز رواں ماہ ویلنٹائن ڈے کے موقع پر خوبرو ساتھی اداکارہ کے ساتھ دیکھے گئے ہیں۔
عالمی شہرت یافتہ اداکار ٹام کروز نے ویلنٹائن ڈے کے موقع پر اپنی ساتھی اداکارہ انا ڈی آرمس کے ساتھ لندن میں وقت گزارا۔
عالمی خبر رساں ادارے کے مطابق مشن امپاسبل اسٹار 62 سالہ ٹام کروز اور 36 سالہ آنا ڈی آرمس کو لندن کے سوہو علاقے میں ایک ساتھ رات کے کھانے پر دیکھا گیا تھا۔
اس وقت دونوں جب ریسٹورینٹ سے باہر نکلے تو ان کے ہاتھوں میں کھانوں سے بھرے تھیلے بھی تھے۔ مداحوں نے انھیں گھیر لیا۔ اس موقع پر مداحوں نے آٹو گراف لیے اور تصاویر بنوائیں۔
جب یہ تصاویر سوشل میڈیا پر وائرل ہوئیں تو صارفین نے خوشگوار حیرت کا اظہار کیا اور انہوں نے جوڑے کو جلد از جلد شادی کرنے کا مشورہ بھی دے ڈالا۔
یاد رہے کہ ٹام کروز اور اداکارہ آنا میں قربت دسمبر میں اس ملاقات کے بعد بڑھی جب اداکار کے دوست نے ان دونوں کو کھانے پر مدعو کیا تھا۔
اس پرتعیش دعوت میں دونوں نے کھانا کھایا اور کافی وقت ایک ساتھ گزارا۔ اس کے بعد بھی دونوں کے درمیان کئی ملاقاتیں ہوئی اور یہ سلسلہ اس وقت کے بعد ہنوز جاری ہے۔
یاد رہے کہ قبل ازیں اداکارہ آنا نے بھی ایک انٹرویو میں ٹام کروز کے ساتھ اپنے تعلقات کے بارے میں بات کرتے ہوئے کہا تھا کہ وہ اداکار کے اسٹنٹ ورک سے متاثر ہیں۔
