سام سنگ اپنے اسمارٹ فون گلیکسی ایس 25 ایج کی جھلک گزشتہ مہینے ہونے والے ان پیک ایونٹ میں بھی کروا چکا ہے۔
معروف ٹیکنالوجی کمپنی سام سنگ کی طرف سے اپنے اسمارٹ فون گلیکسی ایس 25 ایج کی جھلک گزشتہ مہینے ہونے والے ان پیک ایونٹ میں کرائی گئی تھی جس میں اس کے پتلے ڈیزائن پر روشنی ڈالی گئی تھی۔
اس کے بعد اب اسمارٹ گیجٹ کے حوالے سے خبریں لیک کرنے والے آئس یونیورس نے اس بات کی تصدیق کی ہے کہ ایس 25 ایج وزن میں گلیکسی ایس 25 ( جس کا وزن 162 گرام ہے) سے بہت کم ہو گا۔
اسمارٹ گیجٹ کے حوالے سے خبریں لیک کرنے والے ایک اور قابل بھروسہ ذریعہ میکس جیمبور کا اس حوالے سے بتانا ہے کہ یہ فون دوسرے سہ ماہی میں لانچ کیا جائے گا اور مبینہ طور پر وہ مہینہ اپریل کا ہو گا۔
اس کے قبل آخری بار سام سنگ نے چھ برس قبل کم وزن فلیگ شپ گلیکسی ایس 10 متعارف کرایا تھا، جس کا وزن صرف 157 گرام تھا۔
یاد رہے کہ اس کے بعد سے اسمارٹ فون بہت بھاری ہو گئے ہیں اور اب اوسط درجے کے اسمارٹ فونز کا بھی اتنا ہلکا ہونا عام نہیں رہا ہے۔
