شائقین ورلڈ کرکٹ لیجنڈز کے ساتھ مفت سفر کرنے کیلئے رجسٹریشن کے بعد جیتنے والے شائقین برطانیہ کا 16 روز کا مفت سفر کر سکیں گے۔
رواں سیزن ورلڈ کرکٹ لیجنڈز شائقین کے لیے اسٹار کرکٹرز کے ساتھ برطانیہ کے مفت سفر کرنے سنہری موقع لا رہا ہے، جس کے تحت شاہد آفریدی سمیت دیگر پاکستانی کھلاڑیوں سے ملاقات کا موقع مل سکے گا۔
اس حوالے سے کرکٹ لیجنڈز کی ویب سائٹ پر 15 فروری سے “Live With the Legends” کے نام سے رجسٹریشن شروع ہو چکی ہے جس کے لیے محض 12 ڈالر یعنی ساڑھے تین ہزار روپے ادا کرنے ہوں گے۔
یہاں رجسٹریشن کروانے پر شائقین کو کوئز رائونڈ کی تکمیل، ویڈیو جمع کرانے اور کپتان کی کال درکار ہو گی جس کے بعد ججز فیصلہ کریں گے۔ اس کے بعد جیتنے والے شائقین برطانیہ کا 16 روز کا مفت سفر کر سکیں گے اور وہاں قیام کے دوران تمام اخراجات کرکٹ لیجنڈز برداشت کرے گی۔
جیتنے والے شائقین کے لیے تمام ٹریننگ، میچز اور میڈیا سیشنز میں شرکت لازمی ہو گی جبکہ پروموشنل مقاصد کے لیے آپ کا نام اور تصویر استعمال کی جا سکتی ہے۔ شائقین میڈیا کو اپنا انٹرویو بھی دے سکیں گے۔
واضح رہے کہ کرکٹ لیجنڈز کے دوسرے ایڈیشن کا آغاز جولائی کے وسط سے برطانیہ میں شروع ہو گا۔
