خاتون ٹک ٹاکر سیما گل کی ہلاکت سے متعلق مختلف خدشات ظاہر کیے جا رہے تھے جس پر پولیس نے تفتیش شروع کر دی تھی۔
پوسٹمارٹم رپورٹ تقریبا ایک ہفتے بعد موصول ہوئی ہے، جس کے مطابق نشہ آور گولیوں کے زائد استعمال سے معروف خاتون ٹک ٹاکر سیما گل عرف سائیکو ارباب کی موت کی تصدیق کر لی گئی ہے۔
سیما گل ورسک روڈ پشاور میں واقع فلیٹ میں تشویشناک حالت میں پائی گئی تھیں جو بعد میں جاں بحق ہو گئی، ان کی ہلاکت سے متعلق مختلف خدشات ظاہر کیے جا رہے تھے جس پر پولیس نے تفتیش کی۔
تھانہ مچنی گیٹ پولیس کو 7 فروری کو محمد یاسین ساکن اسلام آباد نے رپورٹ کی تھی کہ اس کی بہن سیما گل عرف سائیکو ارباب جاں بحق ہو گئی ہے۔
اس رپورٹ پر پولیس نے جائے وقوعہ سے نشہ آور گولیوں سمیت دیگر شواہد اکٹھے کر کے نعش پوسٹمارٹم رپورٹ کے لیے منتقل کر دی تھی ،
اب 8 سے 10 روز کے بعد ڈیپارٹمنٹ آف فرانزک میڈیسن ، خیبر میڈیکل کالج پشاور سے پورسٹمارٹم رپورٹ موصول ہو گئی ہے ۔
پوسٹمارٹم رپورٹ کے مطابق سیما گل عرف سائیکو ارباب کی موت کی وجہ کوکین، نیند اور ٹینشن کی گولیاں استعمال کرنے کے ساتھ ساتھ شراب نوشی وغیرہ سے بھی ہوئی ہے۔
پوسٹمارٹم رپورٹ کے مطابق 6 مختلف قسم کے ڈرگس کا استعمال کیا گیا جو کہ موت کی وجہ بنا۔
