فلم نے صرف 3 دن میں 119.5 کروڑ روپے کا شاندار کاروبار کیا جبکہ عالمی سطح پر 150 کروڑ روپے کا ہندسہ پار کرنے کے قریب ہے۔
وکی کوشل اور اکشے کھنہ کی اداکاری سے مزین فلم “چھاوا” نے ریلیز کے صرف 3 دن میں باکس آفس پر 100 کروڑ روپے کا کاروبار کر کے 2025 کی سب سے زیادہ کمائی کرنے والی فلم بننے کا اعزاز حاصل کر لیا۔
فلم “چھاوا” کی کہانی چھترپتی سمبھاجی اور مغل بادشاہ اورنگ زیب کے درمیان تاریخی جنگ پر مبنی ہے، جس میں وکی کوشل نے چھترپتی سمبھاجی جبکہ اکشے کھنہ نے اورنگ زیب کا کردار نبھایا ہے۔
لکشمن اتیکر کی ہدایت کاری میں بنی اس فلم نے ایڈوانس بکنگ میں بھی بہترین کاروبار کیا اور ریلیز کے پہلے دن 33.10 کروڑ روپے کا ریکارڈ بزنس کیا تھا۔
اس فلم نے جمعہ کو 31 کروڑ، سنیچر کو 35 کروڑ اور اتوار کو 48.5 کروڑ روپے کا کاروبار کیا۔ اس طرح تین دنوں میں فلم کا مجموعی کاروبار 119.5 کروڑ روپے تک جا پہنچا۔
عالمی سطح پر بھی یہ فلم اس وقت 150 کروڑ روپے کا ہندسہ پار کرنے کے قریب ہے، کیونکہ اس نے تین دنوں میں عالمی مارکیٹ میں 148.95 کروڑ روپے کی کمائی کر لی ہے۔
“چھاوا” وکی کوشل کے کریئر کی سب سے زیادہ کاروبار کرنے والی فلم ثابت ہوئی ہے، اس فلم کی تیاری کے لئے 130 کروڑ روپے کا بجٹ مختص کیا گیا تھا۔
اس کے علاوہ “چھاوا” نے اپنے پہلے ہفتے میں کئی بڑے ریکارڈ توڑے ہیں، جن میں رتیک روشن، دپیکا پڈوکون، پربھاس، کارتک آریان اور عامر خان کی فلموں کا ریکارڈ شامل ہے۔
