آئی سی سی چیمپئینز ٹرافی میں روایتی حریف پاکستان اور بھارت ٹاکرے سے قبل ہندو بابا کی نئی پیشگوئی سے شائقین کرکٹ کو حیران کر دیا ۔
بھارت میں درست پیش گوئیوں کے حوالے سے مشہور آئی آئی ٹی بابا نے دنیائے کرکٹ کے سب سے بڑے اور روایتی حریف پاک بھارت میچ پر پیشگوئی کر کے زبردست بحث چھیڑ دی ہے۔
آئی آئی ٹی بابا نے چیمپئینز ٹرافی کے ہائی ولٹیج مقابلے کے لئے پاکستان کو فیورٹ قرار دے دیا ہے۔
ان کا کہنا ہے کہ اس بار بھارت نہیں جیتے گا، ان کا یہ بیان سوشل میڈیا پر آگ کی طرح وائرل ہے جس پر انہیں تنقید کا سامنا بھی کرنا پڑ رہا ہے۔
مہاکمبھ میلے کے دوران آئی آئی ٹی بابا عرف ابھے سنگھ نے پیشگوئی کی جس پر انتہا پسند ہندوئوں نے انہیں آڑے ہاتھوں لے لیا۔
ایک شخص نے ہندو بابا ابھے سنگھ سے پیشگوئی کے بارے میں سوال کیا تو وہ انہوں نے اپنی بات دہرائی اور کہا کہ میں نے منع کر دیا ہے کہ نہیں جیتتے تو نہیں جیتے گا اب کیا بھگوان بڑے ہو یا تم؟۔
آئی آئی ٹی بابا کون ہے؟
بھارت کے بابا ابھے سنگھ نے آئی آئی ٹی بمبئی سے ایرو اسپیس انجینئرنگ میں گریجویٹ کیا اور کینیڈا میں نوکری کی مگر بعد میں وہ سب چھوڑ کر بابا بن گئے۔
ابھے سنگھ کے ماضی کے کچھ دعوئوں میں بھارت کو ٹی20 ورلڈکپ 2024 کی جیت میں لے جانا بھی شامل ہے۔
