حکومت نے پروگرام کا آغاز کر دیا، جس کے مطابق چیف منسٹر ٹرانسپلانٹ پروگرام کے تحت عام آدمی کیلئے پانچ ٹرانسپلانٹ آپریشن بالکل مفت ہوں گے۔
پنجاب میں ملک کی تاریخ کے سب سے جامع ٹرانسپلانٹ پروگرام کا آغاز ہو گیا۔ چیف منسٹر ٹرانسپلانٹ پروگرام کے تحت عام آدمی کے لئے پانچ ٹرانسپلانٹ آپریشن بالکل مفت ہوں گے۔
ان میں جگر، گردوں، بون میرو، کورنیا کی پیوند کاری سمیت پیدائشی طورپر سماعت سے محروم کمسن بچوں کے لئے کوکلیئر امپلانٹ بھی حکومت کرائے گی۔
یہ سہولت سرکاری ہسپتالوں کے ساتھ ساتھ نجی ہسپتالوں میں بھی دستیاب ہو گی.
چیف منسٹر پرانسپلانٹ پروگرام سے مستفید ہونے کے لئے پنجاب ہیومن آرگن ٹرانسپلانٹیشن اتھارٹی سے رجسٹرڈ ہونا ضروری ہے۔
یہاں رجسٹریشن کے بعد چیف منسٹر پرانسپلانٹ پروگرام کے تحت جگر، گردوں، بون میرو، کورنیا کی ٹرانسپلانٹیشن کرائی جا سکے گی۔
سرکاری اسپتالوں کے علاوہ نجی ہسپتالوں سے آرگن ٹرانسپلانٹ کرایا جا سکے گا، آرگن ٹرانسپلانٹیشن کے لئے وزیراعلی کی ہدایت پر ٹول فری نمبر 09009 0800 بھی فنکشنل کر دیا گیا۔
وزیراعلی پنجاب مریم نوز کا کہنا ہے کہ ریاست کو ہر شہری کا احساس ہے، اپنا فرض نبھائیں گے۔
ٹرانسپلانٹیشن بہت پیچیدہ اور مہنگا پراسیس ہے عام آدمی افورڈ نہیں کر سکتا ہے، اب یہ فرض ریاست ادا کرے گی۔
