آپریشن سوئفٹ ریٹارٹ کے 6 سال مکمل ہونے پر پاک فوج کے شعبہ تعلقات عامہ کی جانب سے نغمہ دشمناس نریلیز کر دیا گیا۔
نئے نغمے میں وطن کے جانباز سپوتوں کی جانب سے ملکی دفاع کے لئے عہد و پیماں کا اظہار کیا گیا ہے، یہ نغمہ ملک خدا داد کے ہر ناپاک دشمن کے لئے ایک للکار ہے۔
اس نئے نغمے کی شاعری احمد عظیم کی ہے جبکہ کامران خان نے اس خوبصورت نغمے کو گایا اور کمپوز بھی کیا ہے۔
یاد رہے کہ 27 فروری 2019 ملکی تاریخ کا ایک اہم واقعہ ہے جو مسلح افواج کی پیشہ وارانہ مہارت اور پاکستانی عوام کے عزم کا مظہر ہے۔
پاک فضائیہ نے 27 فروری کو سرحدی حدود کی خلاف ورزی کو ناکام بناتے ہوئے 2 بھارتی لڑاکا طیارے مار گرائے تھے۔
آپریشن سوئفٹ ریٹارٹ کے دوران ایک بھارتی پائلٹ ابھی نندن کو بھی گرفتار کیا گیا تھا۔
ترجمان پاک فوج کے مطابق 27 فروری اس عزم کی تجدید ہے کہ ملکی خود مختاری کے خلاف کسی بھی جارحیت کا منہ توڑ جواب دیا جائے گا ۔
یاد رہے کہ یہ پاکستان کی شاندار دفاعی تاریخ کا ایک اہم واقعہ ہے جو مسلح افواج کی پیشہ وارانہ مہارت اور پاکستانی عوام کے عزم کا بھی منہ بولتا ثبوت ہے۔
